"ہماری زندگی ہمارا دین"

   "اقرا"وہ پہلا حکم، وہ عظیم بنیاد ہے جس پر تمام احکام اور اعمال قائم ہیں۔
اپنےآپ کو اللہ کے حوالے کر دو تو اللہ کی مصلحتیں،اُس کی حکمت خودبخود سمجھ میں آنے لگتی ہے اور مشکل سے مشکل 
سوالوں کے  اتنے آسان جواب بھی ہو سکتے ہیں کہ یقین نہیں آتا۔
 "اللہ الصمد" بےنیازی  اللہ پاک کی وہ صفتِ خاص ہے جس کا   اللہ کی وحدت کے  فوری بعد ذکر کیا گیا ہے۔
ہماری زندگی دراصل ہماری درسگاہ کی کہانی  ہے۔زندگی کے تعلیمی ادارے میں داخلہ تو آرام سے مل جاتا ہے لیکن ساتھ ہی
پراسپیکٹس بھی ملتا ہےجس میں قواعد وضوابط بتائے جاتے ہیں اُن کوسمجھ جائیں پھر نصاب پر آتے ہیں ۔ 
 قواعد و ضوابط  ارکانِ اسلام ہیں اورنصاب ہمارا قُرآن پاک ہے اور پراسپیکٹس ہمارا دین ہے۔
ہر ارکانِ اسلام کسی بھی عام درس گاہ کے اصولوں پر منطبق ہوتا ہے جیسےکہ
توحید و رسالت : یہ ہمارا انٹری ٹیسٹ ہے ۔
نماز: وقت کی پابندی سے مشروط ہے۔
روزہ : دوران ِ کلاس کھانے پینے کی ممانعت ہے۔
حجّ : لباس کی پابندی ہے۔
زکٰوۃ : اپنی استطاعت کے مطابق درس گاہ کا انتخاب ہے اور اپنے وسائل میں رہ کر فیس کی ادائیگی ہے۔
نصاب خود بھی پڑھا جا سکتا ہےکہ کتاب تواپنے پاس ہے جب چاہوکھول کر دیکھ لو۔لیکن اچھے نمبر لینے اوراعلیٰ درجے میں پاس ہونے کے لیے ایک ماہراُستاد بہت ضروری ہے ۔
2012، 4  نومبر