زندگی کی تلاش کتابوں تک لائی تو پانے والے سب رشتے اور ملنے والے سب تعلق کتابوں میں ڈھل گئے۔ وہ ہر چہرے کو کتاب جان کر پڑھتی، سرورق اُسے تحریر پڑھنے پر اُکساتا۔ رنگا رنگ کتابوں کی دُنیا میں وہ اپنا آپ بھول گئی - کتابوں سے کیا دوستی ہوئی کہ وہ خود ایک کتاب بن گئی ۔اپنا آپ کتابوں کے بیچ رکھ کر کسی قدر شناس کی منتظر رہتی جو اُسے پڑھے،جانے۔ کتابوں کا سحر اُس کے اندر یوں اُترا کہ وہ دیکھنے والوں کے لیے ایک دیدہ زیب کتاب بن گئی جس کا دلکش سرورق اور ریشمی صفحے نظروں کو مبہوت کر دیتے اور نفس ِمضمون پر توجہ نہ رہتی ۔ وہ اپنے آپ سے لڑتی ۔اپنا وجود ہی اُس کی راہ کی رُکاوٹ بن گیا-کتاب پڑھنے سے زیادہ ساتھ رکھنے کی طلب اُسے کبھی تسکین تو دیتی لیکن ایک شدید نارسائی کا کرب بھی سر اُبھارتا وہ اپنی خوشبو بانٹنا چاہتی تھی اپنا وجود نہیں کہ یہ وجود اُس کا اپنا تھا ہی نہیں-وہ تو زندگی کی لائبریری میں رکھی ایک کتاب تھی جو اُس کی پہنچ میں تو ہوتی ہے جو اُسے پیار سے چھو جائے مگر ہمیشہ کے لیے کسی کی نہیں ہو سکتی ۔ وہ گروی شدہ کتاب تھی اُس کے اندر کوئی چیخ چیخ کر کہتا تھا سنو! میں نے اپنے لفظ سر ِبازار رکھے ہیں اپنی ذات نہیں لیکن دُنیا کی اس منڈی میں جسموں کا بیوپار ہوتا تھا یہاں احساس کا کوئی مول نہ تھا ۔ یہاں صرف رنگ برنگ پیرہن بکتے تھے آنچل کی قیمت کوئی نہیں لگاتا تھا۔
۔لکھ...اُس کے اذن سے...جو کہی اور ان کہی خوب جانتا ہے۔ رہنمائی...صرف اللہ سے اور اپنے دل سے۔۔۔انسان صرف دھوکا اور رکاوٹ ہیں۔
سبسکرائب کریں در:
تبصرے شائع کریں (Atom)
"سیٹل اور سیٹل منٹ"
سورۂ فرقان(25) آیت 2۔۔ وَخَلَقَ كُلَّ شَىْءٍ فَقَدَّرَهٝ تَقْدِيْـرًا ترجمہ۔ اور جس نے ہر شے کو پیدا کیا اور پھر اس کے لیے ایک اند...
-
" قرآن پاک اور اللہ تعالٰٰی کے نام " سورہ طہٰ(20) آیت 8۔ترجمہ۔۔۔" اللہ ہے جس کے سوا کوئی معبود نہیں، اس کے سب نام اچھے...
-
"ہمارا حساب ہماری جیومیٹری" ہر انسان آزاد ہے۔۔۔ وہ جوچاہے کرسکتا ہے۔۔۔ لیکن اُس کی حد اُس کی اپنی ذات ہے۔جہاں دوسرےکی ذات۔...
-
جمیل الدین عالی ادیب،شاعر،سفرنامہ نگار،کالم نگار اصل نام۔۔۔ مرزا جمیل الدین احمد خان تاریخَ پیدائش۔۔20 جنوری 1926 بمقام۔۔۔ دہلی(ہندو...
لفظ اپنے قدر شناس خود ہی ڈھونڈ لیتے ہیں۔
جواب دیںحذف کریں