۔ "ماں"۔۔۔۔
عورت کا وہ نام جو نہ صرف مر کر بلکہ مرنے کے بعد بھی اس سے جدا نہیں ہوتا۔
وہ اسم اعظم جو صرف اس کی ذات کے لیے خاص ہے۔
ماتھے کا وہ جھومر جو چہرے کی سیاہی چھپا دیتا ہے۔
عزت کی وہ معراج جو محبت کو کم قیمت بنا دیتی ہے۔
پاؤں کی وہ زنجیر جو ایک مخصوس دائرے میں "می رقصم" رکھتی ہے۔
راستے کی وہ رُکاوٹ جو نئی منزلوں کی جانب نظر بھر کر دیکھنے کی بھی اجازت نہیں دیتی۔
آسمان کی وہ وسعت جو طاقت ِپرواز کو محدود کر دیتی ہے۔
زمین کی وہ رفعت جو خاک ہو کر بھی خاک میں ملنے نہیں دیتی۔
کائنات کی وہ حقیقت جو خالق کائنات کے بعد تخلیق کا جواز ہے۔
کوئی تبصرے نہیں:
ایک تبصرہ شائع کریں